Unda Sport vaziri Adkham Ikramov, O‘zbekiston Milliy Paralimpiya qo‘mitasi raisi Muxtorxon Toshxo‘jayev hamda janob Chen Kay boshchiligidagi Xitoy delegatsiyasi vakillari ishtirok etdi.

Uchrashuv davomida har ikki tomon Paralimpiya va nogironlar sportini rivojlantirish yo‘lida hamkorlik aloqalari yanada mustahkamlanishiga, tajriba almashish va qo‘shma loyihalar orqali sportchilar salohiyati oshishiga ishonch bildirdi.

Sport vaziri Adkham Ikramov janob Chen Kayni yurtimizda ko‘rib turganidan mamnunligini bildirib, Xitoy bilan paralimpiya sport turlari bo'yicha o‘zaro manfaatli hamkorlik izchil davom etayotganini ta’kidladi.

O‘z navbatida, janob Chen Kay O‘zbekiston Paralimpiya qo‘mitasini erishilayotgan yutuqlar bilan tabriklab, so‘nggi yillarda o‘zbekistonlik sportchilarning Paralimpiya o‘yinlarida qo‘lga kiritayotgan yuqori natijalari e’tiborga loyiq ekanini alohida qayd etdi. 

Uchrashuv yakunida tomonlar murabbiylar malakasini oshirish, qo‘shma yig‘inlar tashkil etish, seminar va treninglar o‘tkazish kabi yo‘nalishlarda amaliy hamkorlikni kengaytirishga kelishib oldilar.