Uchrashuv avvalida so‘nggi yillarda O‘zbekiston va Turkiya o‘rtasidagi hamkorlik yanada mustahkamlanib borayotganligi, O‘zbekistonda bo‘lib o‘tadigan xalqaro tadbir va festivallarda Turkiya tomoni doimiy qatnashib nufuzli o‘rinlarni egallayotganligi ta’kidlandi.

Shuningdek, uchrashuv davomida ikki tomonlama madaniy hamkorlik doirasida bir qator masalalar ko‘rib chiqildi.

Xususan, O‘zbekistonda “Turkiya madaniyati kunlari”ni tashkil etish;

Kino sohasida qo‘shma loyihalarni amalga oshirish;

Turkiyaning mashhur musiqa va raqqoslar jamoasi “Onadolu otashi”ning O‘zbekistonga gastrol safarini tashkil etish;

Xalqaro turkiy madaniyat tashkiloti - TURKSOY doirasidagi hamkorlikni mustahkamlash bo‘yicha istiqbolli yo‘nalishlar muhokama qilindi.

Turkiyaning mamlakatimizdagi Favqulodda va Muxtor Elchisi Ufuq Ulutash bilan bo‘lib o‘tgan ehtirom uchrashuvi o‘zaro hurmat va yuqori darajada bo‘lib o‘tdi.