Ushbu forum O‘zbekiston Respublikasi Prezidenti huzuridagi Strategik va mintaqalararo tadqiqotlar instituti, Strategik islohotlar agentligi, Tashqi ishlar vazirligi hamda Nizomiy Ganjaviy xalqaro markazi hamkorligida tashkil etildi.

Tadbir doirasida “Sun’iy intellekt – mintaqaning kelgusi taraqqiyotining asosiy omili” mavzusida panel sessiya o‘tkazildi.

Sessiyada raqamli texnologiyalar vaziri Sherzod Shermatov nutq so‘zlab, sun’iy intellektning mamlakat taraqqiyotidagi o‘rni va O‘zbekistonda amalga oshirilayotgan ishlar haqida ma’lumot berdi.

Vazir ta’kidlaganidek, O‘zbekiston sun’iy intellekt sohasini rivojlantirishda katta qadamlar qo‘ymoqda. Xususan, 2024-yilda mamlakat Oxford Insights’ning Government AI Readiness Index reytingda 188 davlat orasida 70-o‘rinni egalladi. Bu o‘tgan yilga nisbatan 17 pog‘ona yuqori natija hisoblanadi.

Vazir o‘z nutqi davomida 2030-yilgacha bir qator ustuvor maqsadlar belgilangani qayd etdi.

Shuningdek, Yevropa bilan hamkorlik istiqbollariga ham e’tibor qaratildi. O‘zbekiston raqamli ko‘prik sifatida Markaziy Osiyo va Yevropa o‘rtasida IT-autsorsing, bulutli xizmatlar va sun’iy intellekt ilmiy tadqiqotlarida qo‘shma loyihalarni amalga oshirishga tayyorligi bildirildi.